بـٍ/كُلِ حُبّْ وً إحتٍرًآمْ وً شًوُقْ..
نسََتَقبِلُك ونَفرُشَ طًرِيقَك بـٍ/آلوَردِ..
وًنُعًطِرَ حِبْرً آلكًلِمًآتْ بـٍآ/لِمسْكِ وًآلعَنْبَرِ..!
وًنًنتًظِرْ آلإبْدًآعْ مًعْ نَسًمَآتِ آللَّيْلْ..,
وًسُكُونًهٌ..!
لـٍ/تَصِلْ هَمًسَآتُ قَلَمُك إلىآ قُلُوبِنَآ..,
وًعُقُولِنُآ..,
نَنتَظِرْ هُطُولَ عَبِيرِ بَوحْ قَلَمُك..!


هلابــــــــك اسفرت وانورت اذا كانتي من الصبايا ياليت تسجلي معناا بين خواتكـ اما اذا كانت ولد ياليت تقلب وجهكــ



 
الرئيسيةاليوميةمكتبة الصورس .و .جبحـثالأعضاءالمجموعاتالتسجيلدخول
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر
أفضل 10 أعضاء في هذا المنتدى
مين قدي بنت ولد جدي
 
جنون بنيه
 
sandybel
 
جـنوڹ صبآيأ..
 
شموخي سدحهم
 
عطــ الجوري ــر
 
روح الغلا
 
بنوته الحلو
 
علـღـــــــو
 
بطوطه
 
المواضيع الأخيرة
» ويـــــــــــــنـــــــــــكــــــم
السبت نوفمبر 22, 2014 11:23 am من طرف زهرة سورية ملكة البحار

» صبايا***بحبكن
السبت نوفمبر 22, 2014 11:21 am من طرف زهرة سورية ملكة البحار

» اذا انت ذكي حلها
السبت سبتمبر 08, 2012 9:35 am من طرف بنوته الحلو

» وش يستاهل العضو اللي قبلك
الأحد أغسطس 12, 2012 9:15 am من طرف sandybel

» لعبة هذي الصفة فيك ولا لا
الأحد أغسطس 12, 2012 9:09 am من طرف sandybel

» عندكم نكت ادخلوا هنا
الجمعة أغسطس 10, 2012 4:53 pm من طرف sandybel

» اتحداكم تعطوني اسم ولد بدون احرف اسم عبد الرحيم
الجمعة أغسطس 10, 2012 4:50 pm من طرف sandybel

» عجوووز راكبه مع سواق سعودي
الجمعة أغسطس 10, 2012 4:13 pm من طرف بنوته الحلو

» بيتزا ملفوفه بطريقه جديد
الجمعة أغسطس 10, 2012 3:18 pm من طرف بنوته الحلو


شاطر | 
 

 رواية الممرضات السعوديات ..

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
دلــوξـــﮧ وهذٱ طـبـξ ـے
صبيه جديده
صبيه جديده
avatar

عدد المساهمات : 8
نقاط : 13
التقيم : 0
تاريخ التسجيل : 15/12/2010

مُساهمةموضوع: رواية الممرضات السعوديات ..   السبت مايو 14, 2011 12:49 pm

أهلين-حياكم-هذي روايه حليوه قريتها بأحد المنتديات ونقلتها لعيونكم:

(روايه رومانسيه،روعه)

بيكون محورحديث قصتنا،وأبطال روايتناعن أربع ممرضات سعوديات صديقات الروح بالروح وأشدمن الخوات،وبيصيرلهم احداث ومواقف كثيره بتعرفونهامن خلال الأحداث اللي بسردهالكم بإذن الله وهم:
لبنى(عمرهاسنه).
ورود(عمرهاسنه).
شذى(سنه).
مسك(سنه).

الجزءالأول°°°°°°°°°°°°°°°°°°°°°°°°°°°°°°°°°°°°°°°° °°
صحت مسك من النوم وتمغطت وهي تمديديهاعلى ورا،وبعدهاتفرك عيونهابيديها،التفتت على لبنى اللي جالسه بجنبها(لأنهانايمه عندها والسرير ابونفرين).
مسك بابتسامه:صباح الخيرلبونه.
لبنى بادلتهاالإبتسامه:صباح النوروالفرح والسرور،وعددماغردت الطيورواشرقت الشمس،وتفتحت الزهور.
مسك:هههههههه الله على الخاطره الحلوه لاشكلك رايقه اليوم عكس امس عصبيه و صايره كبريت مره حاره.
لبنى:حاره وإلابارده هههه وبعدين اكيدبصيررايقه حبيبتي نسيتي اليوم عيدميلادي و بصيراكبروحده بشلةالساحرات الأربع من قدي بدخل البس هاه ابغى بارتي حلوويكون هنابالشقه جمعةبنات ويبدا الساعه التاسعه مساءعلى الهواءمباشره بتوقيت مكة المكرمه.
مسك:هههههههه حاظرين للحلوين كم عندنامن لبونه حنا؟
لبنى:حناوإلامشاط هههه،الله ميموشكلك يجنن كأنك بيبي توه صاحي من نومه،وربي بريئه بسم الله عليك ودي آكلك مره حلوه وناعمه.(وبصراحه مسك أحلى وحده من البنات طويله ونحيفه،بيضا وبشرتها مثل بشرةالنونوالصغير،شعرها اسودحريرقاصته فراوله وعيونها واسعه وسودا ورموشها كثيفه وطويله،انفهاصغيروشفايفهامورده وصغيره مثل الخاتم).
مسك بدلع:انامن يومي حلوه وناعمه.
لبنى:بدينابشغل الدلع والغرور.
مسك:لاأناتعجبيني إذاتهاوشتي مع احداحس انك رهيبه من الخاطرودي بس اصورك مقطع فيديو.
لبنى:ياالله بس خلينانقوم نتجهزلايروح عليناالوقت لاتنسين اننامستجدات وماداومناإلامن ثلاث شهوربس يعني مانبي تأخيرمن اولهاالنظام نظام.
مسك:اموت اناعلى النظاميين(وكملت بضيقه)يووه ذكرتيني بوليدالدكتورالسعودي الجديد اللي بيجي بدال الدكتور مصطفى المصري اللي راح.
لبنى:خيروش فيه؟
مسك:لامافيه شي بس سبحان الله ماارتحت له ولواني إلاالآن ماشفته بس مجرد احساس.
لبنى:إلاعلى طاري مصطفى ليه راح؟
مسك:هههههههه هذاك كنسلوه تخيلي الكلب الحقيرطلع مزور شهادته وجاي يطبق فيهاعلى المرضى بس الحمدلله ان الله كشف ستره.
وقامت ولبست شبشبها الفوشي واتجهت للدولاب تجهزلحمامهاالخاص،لكن نقزت لبنى قبلهاوالتفتت لها مسك وسحبتهامع فانيلةالبيجامه:
مسك:لالالبونه لاتدخلين قبلي مب على كيفك.
وانفلتت منهالبنى وبسرعه دخلت الحمام وسكرته وقفلت الباب:
مسك:اوريك ياالدبا،انتي تعرفين ان هذاحمامي الخاص و ماتعودت ادخل حمام ثاني غيره.
لبنى وهي تفتح الدش:ههههاي مشكلتك واصلاانتي غيرانه من جسمي الرشيق اللي كل من شافه انهبل عليه هبال يا العصقوله.
مسك:عصقوله بعينك والله واعلم من اللي غيران من الثاني انااصلاجسمي مثل جسم عارضات الأزياء.
لبنى بإستهزاء :زين انك علمتينا عشان إذافصلنافساتين نبغاك تلبسينهاوتعرضينهاقدامناههههاي.
مسك تتطنز:وشي(وتقلدصوت لبنى)هههههاي تفحطين انتي.
 في البيت الشعبي اللي تسكنه صديقتهم واختهم شذى(طبعاشذى هي الكبيره من اخوانهاالأيتام وهي المسؤله عنهم واللي تصرف عليهم هم وامها).
بعدماصحت شذى من النوم بكل همه ونشاط تسبحت ولبست،وتجهزت وطلعت للصاله ولقت امهاجالسه تقهوى ومشغله قناة المجد للقرآن الكريم.
شذى بابتسامتهاالمعهوده حبت راس امها:صباح الخيرلأحلى ام بالعالم شحالج ياالغلا؟
ام فهدبابتسامه:هلايمه صباح النور.
شذى:وين اخواني ولاتقوليلي مابعد صحوا؟
ام فهد:لابالله مابعد صحوا ولا عندهم نيه عجزت عنهم وانا واقفه فوق روسهم قلت خل اجلس شوي واروح لهم.
شذى:لااستريحي ياالغاليه انا اللي بروح لهم عيالك هذولا مايقومون إلابالعين الحمرا.
وتلتفت وتلقى اختهاحلانايمه على جنب بالجلسه العربيه وقربت لها:
شذى:حلاقومي للمدرسه بسرعه لاتأخرين ومب إذاراح عنك الباص قعدتي تصيحين و تجين تقوليلي(وتقلدصوتها)شذى راح عني الباص بروح معك انتي وصديقاتك و وصلوني بطريقكم للمدرسه اهيئ اهيئ.
قامت حلابكسل وهي حاطه يدهاعلى بطنها:ااي راسي قصدي بطني مانيب رايحه.
شذى:طيب معليش نوديك للمستشفى يعطونك إبره.
حلا:لالاماله داعي لامستشفى ولاإبره.
شذى:ههههههه قديمه مكشوفه حركاتك يابنت ياالله قومي بروح لفهودوحمودالدب بصحيهم واجي وياويلك إذاما صحيتي ترابحط أذاني وأذانك أربع.
حلاقامت:يعني يصيرون ثمان.
ودخلت شذى لغرفة اخوانها و لقتهاحوسه ومعفوسه فوق تحت ذكرتهابغرفةاختهامسك دايمافوضويه كذا(وطبعا تعرفون غرف المراهقين وش بتكون)قراطيس شاورماعلى الأرض،وعلب ببسي فاضيه ومرميه،وقشرحب وفنايل وسراويل سنه بكل مكان،فتحت النوروقربت لحمدوهزته:
شذى:حمدحمودياالدب قم بسرعه لايقعديجي النقل وانتم مابعدقمتواولاتجهزتوا(وقعدت تغني)حمودحمودقوم اقعدمن النومه يااحمدحمادي.
حمدقام:هههههه هذاي قمت انا روحي قومي خيشةهالنوم اللي بجنبك(يقصدفهد).
شذى:فهدفهودعادهذالوبينفجرمدفع رمضان ماصحاسبحان الله هالولدمتعب.
فهدرفع راسه وهوفاتح نصف عين:اسمي فهدالله يعافيك مب متعب وبعدين وش تبين؟
شذى:سلامتك طال عمرك بس ممكن انتارفيق قم مدرسه سرأه ياالله عسان مافي تأخير.
فهد:على بالي عندك سالفه و حاشرتني كل النهاروآخرشي اروح المدرسه مانيب رايح.
شذى:وليه حظرتك ماتروح؟
فهد:مالي خلق لتنقيل هالكتب والقرق الفاضي،وبالنهايه انجح بالدف وإلااختبردورثاني.
شذى:بكيفك ماالخسران إلاأنت وهالقرق الفاضي اللي انت تقول هو اللي بينفعك.
وطنشته ورجعت لأمها وحلا بالصاله:
حلا:لايمه خلاص شبعت الحمد لله بس مابي.
ام فهد:هالبنت بتتعبني ربع صامولي ولاكملته وشلون عاد لواعطيك سندويش كامل وش تسوين،شوفي وشلون جسمك نحيف وبشرتك صفرا من قل الأكل المفيد.
شذى:لاحلاحبيبتي لازم تكملين فطورك وتتغذين كويس وإلا ترابيجيك امراض بسم الله عليك وساعتهابنوديك للمستشفى ونعطيك ابره.
حلاوفيهاخوف من طاري المستشفيات والأبر:لالاخلاص بكمل فطوري ولواني شبعت بس شسوي لأني لواموت بسم الله علي ولااروح للمستشفى وآخذ ابره.
وبعدهااخذت حلاللغرفه ولبستها مريولها ومشطت شعرهاوحطت لهافراشه بيضابالقصه عندإذنهااليمنى ولبستهاشراب ابيض وجزمه سودا،وحطت بشنطتهاريالين مع كيك وعصيرومنديل جيب:
حلاعانقت اختهاشذى وباستهامع خدها:احبك ياأحلى وأجمل اخت بالعالم.
شذى نزلت لمستوى حلا و قرصتهامع خدها وبادلتها ابتسامتهاالطفوليه:وانابعداحبك واموت عليك انتي وغلايه(وسمعواصوت الباص يضرب بوري عندالباب).
حلا:تكفين شوشوجيبي لي حلاو اللي يقرص اللسان من الكافتيريااللي عندكم بالمستشفى حنامايبيعونه عندنابالمقصف طعمه يجنن.
شذى:انشاالله وبسرعه الحقي على الباص لايروح ويخليك.
(غرقت عيون شذى بدموع فرح،الحمدلله والشكرلك يارب على اني توظفت وقدرت اصرف على اهلي واغنيهم،قبل يوم كنت ادرس كنت اشتغل العصروامي تشتغل بالليل وإلاالصبح بس علشان لقمة عيش نآكلها).
™™™™™™™™™™™™™
™™™™™™™™™™™™™
صحت ورودمتأخره وبسرعه نقزت ولبست شبشبها الأحمر وسحبت رجولهاتسحيب وهي تحك راسهاوتثاوب:
اووه اعوذبالله من الشيطان الرجيم.
ودخلت الحمام وأخذت لها شاور سريع وطلعت بروبها الأحمر(وهي تعشق اللون الأحمربجنون)وقفت قدام المرآيه وشعرهامبلول وجففته وبعدها أخذت الفرشه تمشطه لكن نشبت بشعرها(شعرهااسودوكثيرومجعد
و لنصف ظهرهاتقريبا).
ورودبعصبيه:اآااي شعري(ورمت الفرشه بعصبيه)والله ماامشطك من شعراحسن.
وبسرعه لبست واخذت شنطتهاحطت الجوال واخذت عبايتهاونزلت للمطبخ تحت و تلقى اخوانهامجتمعين على الطاوله يفطرون:
ورودبعصبيه:صباح الخيرليه ما قومتوني للدوام ومعطيني أكبر طاف هاه ياالزفوت؟
ماجد:صباح النوراكيدمتهاوشه مع كشتك وحنازدناالطين بله.
ورودوهي واقفه مكانها:مجود احترم نفسك عن كشتي ترا مالي خلق لك انت وخشتك.
خالد:آسفين ياقلبي بس تعالي قبل لاتجلسين جيبي لك كاس حليب من الثلاجه اعرفك ما تحبين تفطرين إلاعلى كاس حليب.
واتجهت ورود للثلاجه وجابت لهاحليب وجلست مع اخوانها.
ماجدبابتسامه يحب يتريق على اخته ورود:غريبه صدق من كثرماتشربين الحليب ماشفناك طلتي على الأقل استفيدي من الكالسيوم اللي تآخذينه.
ورودبعصبيه:مجودليه ما تتركني لحالي وإلااقول(واخذت كاس حليب وكبته على ثوبه و هوكاشخ بيروح للدوام).
ماجد:هيه حسبي الله على ابليسك من بنت(واخذ بيالة شاهي من عنده ونثرهاعلى شعرها):
ورود:ياعلك للي مانيب قايله،عنادلك بخليه ماراح اغسله خله يتجعد.
ماجد:هههههه وهوخلقه متجعد اصلاتدرين شعرك يذكرني بشعر (إلتون خوزيه لاعب النصر).
خالد:بس انتي واياه وحرام عليكم تلعبون بالنعمه كذا،و ياالله ورودبروح اشغل السياره تحتمي وبنتظرك لاتأخرين اوكيه.
ورود:اوكيه وإذاجاالظهرابغاك تجي تآخذني بكشخ بك عند صديقاتي(وتغمزله بخبث و تبتسم)غديهم يعجبون فيك و يخطبونك.
خالد:هههههههه.
ماجد:طيب يمكن خالد الظهر مشغول وإلاشي خليني انااللي امرعليك وآخذك.
ورود:لاأناقلت خالدماقلت ماجد وإلايوم صارالموضوع فيه إن و اخواتها فز قلبك.
ماجد:هههههههه حرام عليك وبعدين صديقاتك شايفهم ذاك اليوم يوم اجي اشيلك من المستشفى بنات اللذين حلوات كل وحده تقول للقمر وخر بجلس مكانك من وين جايبتهم هذا وهم باللثام انتي وبعدين جديده هاذي ان واخواتها.
ورود طنشته ووجهت كلامها لخالداللي واقف يتفرج عليهم:ايه خلودي حنابزمن اختلف عن أول صارت الحرمه هي اللي تدورالرجال وترابالهندعندهم هناك الحرمه هي اللي تخطب لنفسها،اخ بس لواننابالهندكان خطبت لي واحدمن قوم خان.
خالد:هههههههه(إن كيدكن عظيم).
وطلع برااماورودفقامت ولبست عبايتهاولحقته.

بعدمااجتمعواممرضاتناالحلوات بالمستشفى وهم واقفين بأحد الممرات يسولفون جتهم ورود متأخره طبعابعدماوقعت حضور:
ورودبمرح:هاي بنات صباح الخير.
البنات:صباح النور.
مسك:تومانورالمكان.
ورود:الله يسلمك ياقلبي،إلا كأني سمعتك ياشوشو تطرين اخوك ترامااسمح لكم تسبون فهودي زوجي حبيبي.
شذى:تجيه حسنات وهونايم بالبيت ومكبرمخدته اجل تخيلي ورودي له اسبوع كامل غايب حظرته وماراح للمدرسه كل يوم والثاني متصل عليناالمدير و حنانصرفه.
لبنى تناظرالبنات وتبتسم و غمزت لهم وهم فهموهاوهي طايره باستثناءشذى اللي ما تدري وش السالفه(لأن الدكتور عادل جاي لهم ويبتسم الأخ مصري ومعجب بشذى وهي ماتحبه لأنه لزقة عنزروت).
فراحواالبنات وتركواشذى واقفه لحالهابس شافت عادل جاي التفتت على خواتها:اوريكم ياالزفوت لزقتوني بالغثه.
وراحوايضحكون اماعادل بعدماوقف لها:
عادل:صباح الخيرياحبيبتي ازيك النهار ده؟
شذى وهي تقول بنفسها(هاذي والله هالنشبه):صباح النوروانابخيرالحمدلله وممكن اروح للعياده لأني تأخرت كثير.
عادل بابتسامه:الأمر(القمر)زعلانه ليه مافيش حاقه تستاهلش الزعل ده كله،ايه رأيك ياحبيبتي نروح للكافتيريامع بعض ونشرب لنافنقان(فنجال) اهوه(قهوه) كداعلى الطاير؟
شذى بنبره حاده:شبعانه الحمد لله مابي شي عن إذنك.و راحت وتركته.
امامسك فراحت تمشي بسرعه للعياده وماشافت طريقها ولا انتبهت للي قدامهافصدمت بشي ورفعت راسهاوتشوف الدكتور اللي قدامها(طويل ونحيف،اسمراني وشعره اسودوكثيف وحاط فيه جل،عيونه عسليه ناعسه واسعه ورموشه كثيفه،حواجبه مرفوعه وفيه جرح عندحاجبه اليمين)التقت العيون فبعض وفجأه انتثركوب القهوه اللي مع الدكتوروليدعلى يد مسك وهوحار:
وليد:بسم الله عليك جاك شي؟
مسك وهي ماسكه يدهاوتألم وعيونهامغرقه بالدموع:هاه لامافيني شي بسيطه انشاالله.
وليدباهتمام:اكيدفيك شي تعالي معي للإسعاف؟
مسك:لا.
وليدلاحظ عليهاتألم ويدها تنفخت شوي وصارت حمرا(العن ام الملامح ياشيخ هذاشكلهاباللثام اجل كيف بتكون على الطبيعه،يارب تصيرمعي بالعياده).
وليد:انتي بأي عياده؟
مسك:اناممرضه بعيادةالأطفال.
وليد:انادكتوربنفس العياده،إلا ماتعرفت على الإسم؟
مسك:اسمي مسك بنت فيصل ال....
وليد:اهااانتي اخوك عبدالعزيز اللي يدرس طب بألمانيا تخصص جراحة قلب؟
مسك باستغراب:ايوه كيف عرفته؟
وليدوهوسرحان (واخيراياعزيزوصلت لطريقه انتقم فيك منهاعقب اللي سويته فيني لكن والله لأجيب راس اختك مادام انها لحالها وما عندها احد)هاه اعرفه انا و عبدالعزيزكنااصدقاءالروح بالروح ودرسنامع بعض طول السنين اللي راحت،إلامتى بنوقف ماتبينانروح العياده؟
مسك بخوف من نظرات وليد(لأنهالاحظت يقزهاقزبغى يآكلهابعيونه)الاياالله نروح.
وليد:اسبقيني بروح شوي و ارجع اوكيه.
مسك:اوكيه.
وراحت للعياده واول مادخلت سحبت كرسي وجلست بعيدعن طاولةالدكتوروناظرت الحرق اللي بيدهاوفجأه تذكرت عمهاابوناصر(بعدما ماتوا امها و ابوهاوهي طفله صغيره عاشت هي واخوها عبدالعزيز عند عمهم،آه عمي اللي عذبني اناواخوي ومارحمناعمي اللي ظلمناهووزوجته واكلوا حقنا من اهلي،عمي اللي يغصبني على شي انامابيه وإذارفضت يطفي زقايره بيدي لحدما طلعت لي آثار،عمي اللي تعرضت من ولده ناصرلتحرش جنسي يوم كان عمري سنه وبالنهايه يشبعني عمي بالضرب ويقول انك انتي اللي اللي باغيه هالشي ويتهمني بشرفي وعرضي لكن لما كبرواهي واخوهااشتكواعمهم واخذواحقهم منه واشتروالهم شقه لوحدهم يعيشون فيها ويبعدون عن تسلط عمهم الظالم وزوجته)غرقت عيونها بالدموع،دموع حزن وقهرعلى حياتهاالماضيه بس من دخل وليدمسحت دموعهابسرعه حتى مايحس فيهاوتفاجأت اكثرلماقرب لهاوسحب كرسيه وجلس قدامهابالضبط لدرجةان ركبته بركبتهاومعه قطن وكريم حروق وقطعةشاش،وبلاستر:
مسك بخوف وبإحراج:لاماله داعي،انت الدكتوروليد؟
وليد(والله وجتك الفرصه يا وليدعلى طبق من ذهب)بابتسامةخبث:ايوه.
وسحب يدهابس هي ابعدتها عنه بسرعه لكنهاصارأقوى منها وسحبهاحتى يضمدها:تألمك؟
مسك بلعت ريقها:هاه لامافي الم هههههه تعبت نفسك بس مشكور دكتور وليدوماقصرت يعطيك الف عافيه.
وليدبعدماخلص وابعد عنها بإبتسامه جذابه يعرف تأثيرها على البنات:ويعافيك ولو هذا واجبنا.

بعيادةالجهازالتنفسي عند الدكتورفارس وممرضتنالبنى:
لبنى بنظراتهاالواثقه:غريبه اليوم العياده فاضيه رغم ان فيه مريضين عندهم مراجعه الحين.
فارس ارتبك وتوترمن نظرات لبنى(هي الوضع عندهاعادي بس عندفارس غير):ايوه صح.
واستمرت لحظات صمت بينهم استمرت دقايق:
فارس:إلاماتلاحظين ان الممرضات السعوديات كاثرين هالسنه بالمستشفى؟
لبنى:احسن من هالأجنبيات اللي ماتركوالنافرص وظايف ولويطبقون نظام السعوده بكل شي يكون احسن بعد.
فارس:ايوه بس السعوديات يواجهون مشاكل وصعوبات بحكم عملهم المختلط طبعا وخصوصااللي ماتستر عمرها وتحتشم وتتغطى زين.
لبنى فهمت قصده(بدينابتجديع الكلام والتنغيزات):بس إذا صارت الوحده محترمه وواثقه بنفسها وماتختلط بالرجال كثير إلابحكم العمل بس فهاذي انشاالله ماعليهاخوف.
فارس ببرود:بس الرجال إذاشافواالوحده لومطلعه عين وحده مهماصارت على قولتك محترمه وواثقه بنفسها يستحقرونها ويحاولون يلعبون عليهالحدمايآخذون اللي يبون منها.
لبنى بنبره حاده:والله ياأخ فارس هذاشي راجع للرجال نفسه إذاصارمايخاف ربه ولاعنده لا ذمه ولاضمير وإذا صارماعنده محارم يغارعليهم و انتم ياالرجال السعوديين ورا الحريم حاله خاصه.
فارس اخ ياحلواسمي على لسانهاوببرود:إياك اعني واسمعي ياجاره.
قامت لبنى من مكانهاووقفت قدامه بالضبط مايفصل بينهم إلاطاولةالمكتب:
لبنى بعصبيه:احترم نفسك ياأخ فارس والزم حدك احسن لك وعن تلميحاتك اللي مالهاداعي وبعدين وش قالوالك داشره عندك اناوإلاوش شايفني،الكلاب تنبح والقافلةتسير.
وصدت عنه وراحت لكنهاتفاجأت انه مسك يدهاوضغط عليهابقوه لحدماحمرت:وش قصدك ياأخت لبنى من الجمله الأخيره اللي قلتيها.
لبنى بصراخ:ااي ابعدعن يدي ياحمارصدق انك قليل أدب وماتربيت.
ترك يدهاوعطاهاكف على خدها.
لبنى شهقت وحطت يدهاعلى خدهاوصرخت بوجهه:والله لأوريك يافارس ان ماخليتك تندم على الساعه اللي فكرت تضربني فيهالكن يصيرخير.
وطلعت براالعياده وعيونها مغرقه بدموع القهر.
أمافارس فرجع لمكانه وعطى الباب ظهره وهويطل من الشباك على الشارع اللي تحت والناس الرايحه والجايه،مرر أصابعه بشعره وهوبقمةالتوتر(ليه سويت كذا يافارس بس شسوي غصب علي انا مو احبهاوبس الااعشقهاواموت فيهاهالإنسانه اللي من عرفتها وهي الوحيده اللي حركت مشاعري بعدماكانت جامده اغارعليها مابي احديقرب منها بس مستحيل اعترف لهالأن كرامتي فوق كل شي بس ياالله متى تحس).........

بين الصحـاري والضمـا إحسـاس ليتـك تفهمـه
بـيـن السحـابـه والسـمـا دمـعـه تبعـثـر هـمـهـا

بين الشواطي والبحر شـوووق عجزنـا نفهمـه
بيـن الليالـي والسـهـر حـسـرة جرعـنـا سمـهـا

من يرسم الخطوة رجـا بيـن الجهـات المظلمـه
مـن يـروي النبتـه غـلا مهمـا زمنهـا ذمـهـا ؟؟

من ياترى يصبـر علـى جـور الحيـاة المعتمـه ؟؟
لهفه تمـوت وتندثـر (( فرحـة زمـن )) ماتمهـا

ضيقـة معـانـي تمتـطـي ذاك الشـعـور وتلجـمـه
ياذا البعيد اللي غدى تفداك روحي ضمهـا

جيتك مع الموجه عسى أسرق من عيونك سمه
نـظـرة يتـيـمـه عـابــرة كـــل الـحـنـان يعـمـهـا

جيتك وله!! جيتك وفا !! عمري وجودك يقسمـه
انـت الـرمـوز الباقـيـة والـلـي مـضـى ماهمـهـا

خـذ مابقـى مـن حلمـي الشـارد بعـيـد وترجـمـه
غربـة غــلا وقلوبـنـا لــون العـطـا فــي دمـهـا

جيتـك خواطـر هايـمـه جيـتـك قصـايـد مبهـمـه
ياهاجسـي مـد النظـر صــوب النـجـوم وسمـهـا

يامـا تحريـت القمـر ياخـذ مــن اللـيـل أسهـمـه
عشـق الزوايـا والبحـر بعثـر حروفـي لمهـا !!!

إمــا وصــل والا جـفـا شـــي عـســا مانـعـدمـه
صمـت وعنـا عزلـة مشاعـر غارقـه فـي يمهـا


تتوقعون وش اللي ناوي عليه وليد؟!!.
فارس ولبنى إلى وين بيوصلون؟!!
انتظرواالتكمله في البارتي الجاي.......
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
sandybel
صبيه مبدعهـ
صبيه مبدعهـ
avatar

عدد المساهمات : 420
نقاط : 426
التقيم : 0
تاريخ التسجيل : 24/10/2010

مُساهمةموضوع: رد: رواية الممرضات السعوديات ..   الأحد مايو 15, 2011 5:34 pm

جميلة وننتظر التكملة ان شاء الله ياعسل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
مين قدي بنت ولد جدي
صيبهـ ماسيهـ
صيبهـ ماسيهـ
avatar

عدد المساهمات : 938
نقاط : 1363
التقيم : 1
تاريخ التسجيل : 07/12/2010

مُساهمةموضوع: رد: رواية الممرضات السعوديات ..   الخميس مايو 19, 2011 9:45 am

يااااااااي رووعه ننتظر التكمله

التوقيع









اذا تقدر تعيش بدوني حط عينك بعيوني❤️



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
دلــوξـــﮧ وهذٱ طـبـξ ـے
صبيه جديده
صبيه جديده
avatar

عدد المساهمات : 8
نقاط : 13
التقيم : 0
تاريخ التسجيل : 15/12/2010

مُساهمةموضوع: رد: رواية الممرضات السعوديات ..   الجمعة مايو 20, 2011 10:23 am

بآآآآك شكلو مااحد عطاني وجه غيركم هههههههههههههههههه .. يالله ماعليه اكمل الرواية لعيونك بس
الجزءالثانيـ0ـ0ـ0ـ0ـ0ـ0ـ0ـ0ـ
ـ0ـ0ـ0ـ0ـ0ـ0ـ0ـ0ـ0ـ0ـ
بنهايةالدوام اجتمعواممرضاتنابأحدالمكاتب الفاضيه وسكرواالباب وقفلوه مسك وورودجالسين على طاولةالمكتب امالبنى وشذى جالسين على الكراسي قبالهم بالضبط:
ورود:مالكي حزينةايتهاالفتاةهل تخاصمتي مع الدكتورفارس كعادتكي؟
لبنى بعصبيه:عسى الله يآخذ هالفارس اللي تعرفين،أجل وصلت فيه انه يمديده علي و يعطيني كف صدق انه حمار.
مسك بإنفعال:وعساك بتسكتين له انشاالله؟
لبنى:انالبنى وماحديقدريحط راسه براسي والله لأشرشحه بس يصبرويشوف وش بسوي فيه.
شذى ببرودوبخبث:احس بأنه يحبك وإلالماذاكل هذه الحركات دليل غيرته عليك.
ورودبنفس الخبث كملت:وانتي ايضاتحبينه ولكنك تكابرين،على قولتهم من طقك حبك.
لبنى بقهر:اووف صدق ان ماعندكم سالفه انالبنى يمتلك قلبي رجال وليته أي احدفارس مره وحده ذوقكم بالتراب.
شذى:حرام عليك احس انه مزيون ابن اللذين ومحترم و مديده عليك يمكن غصب عنه وعلى الأقل يهون عند ايمن السوري اللي عندي وإلاعادل عادهذاك حاله خاصه و تعالوا ياالحميرليه وهقتوني به الصبح ورحتواوخليتوني؟
مسك تتريق:حرام عليك شوشو ما تركناك إلاعشان تآخذين راحتك معه مانبي نضايقكم.
ورودبابتسامه:بنات تخيلوا شوشو تزوج عادل وتروح معه لمصرأم الدنيا.
لبنى:وحنا بنلحقها هناك بمصر منها نتمشى ونغيرجوا الله نفسي اشوف ابوالهول و ازور الأهرامات،ومنهانزورك شوشو بس هاه نبغى فراخ وإلاحمام أوبط مشوي.
شذى:اسكتوااحسن لكم و ليتكم تجربون مثلي لكن اللي يده بالمويه مب مثل اللي بالنار.
البنات:هههههههههه.
ورود:بنات وش رايكم مانطق ونرقص ونصورأنفسنابالجوال مقطع فيديو؟
شذى:والله وناسه خلونا نستهبل.
وقامواالبنات إلامسك اللي جلست تصورهم:
لبنى:نبغى تصويرحلواوكيه.
مسك:اوكيه.
بعدماعدلواالبنات اللثام كويس شغلت مسك اغنية(عزاه)بجوال شذى وصورت فديومن جوالها والبنات استمروابالرقص ثلاث دقايق تقريباوبعدهاسكرت مسك الجوال واجتمعوا عليها البنات يشوفون أشكالهم،وكتبوا على اسم المقطع(ممرضات فلللله)وانفجروامن الضحك.
وبعدهافتحواالباب بيطلعون وانصدمواان فيه عامل نظافه سمعهم(شافواعاقدحواجبه الأخ ومعصب عل الآخر):
انايبي نظف بس انتادايم سوي إزعاج هناهدامستسفى هنا مريد واجد مافي مكان تاني انالازم قول لمدير.
ورود:بنات بيفضحناوش السواة؟
مسك:ابعدواشوي انااتفاهم معه.ابعدواالبنات وتقدمت له مسك وفتحت شنطتهاوطلعت خمس ميه وحطتهابيده:
مسك:خذفلوس بس انتامافي قول مدير،وبعدين انابنت هنا غنيه وفيه فلوس كثيرممكن افصلك من شغلك وبعدين تروح براالسعوديه.
العامل:لالاكلاص ماما.
وراح وهويتحرطم،والبنات ماتواعليه من الضحك،وبعدما لبسواعباياتهم راحواشذى و لبنى للكافتيرياأمامسك ورود طلعوابراالمستشفى وبعد كذا لحقوهم البنات وهم واقفين برصيف الشارع كانت هناك عيون تراقبهم،وآذان تسمع لهم من دون مايحسون:
ورود:بنات جاخلودي اخوي وش رايكم فيه؟
لبنى:حليو ماعليه بس مب أحلى منك.
ورود:بذوب خلاص شكلي مانيب واصله للسياره إلا وأنا زبده،ياالله اشوفكم بالبارتي انشاالله باي.
البنات:باي.
مسك بضيق:اووف بنات من رحيموه الزفت هذا لاطعنا ساعه بالشمس ولاشرف حضرته الحين بتأثرعلى بشرتي،والله بصيح.
شذى تتريق:بالله لبونه مب تجنن إذاعصبت احسها بزر مدلعه،وصيوحه.
لبنى مالهاخلق بس حبت تجامل:ايوه لكن الله يعين اللي بيآخذها.
مسك بصراخ:اسكتواعني احسن لكم والله يآخذالرجال.
و دقايق ويجي عبدالرحيم سواق مسك الخاص،ويركبون معه البنات:
مسك:لاكان نمت احسن ليه تأخرت حظرتك؟
عبدالرحيم يبتسم ويهزراسه(حتى الهندي تعجبه مسك إذاعصبت لأنهامثل البزر تقعد تدلع وتخربط).
مسك التفت على البنات وهم كاتمين ضحكتهم:وش رايكم بأبوفرقه هذااكلمه ويسفهني؟
عبدالرحيم بابتسامه:اناابوقمرالدين اسم ولد انا قمرالدين مافي ابوفرقه.
البنات انفجروامن الضحك:هههههههههههه.
وبعدكذاوصلواللحي القديم اللي تسكنه شذى ونزلت لبيتهم الشعبي وبعدكذاراحواللحي الراقي اللي تسكنه مسك ولبنى بس لبنى بيتهم بأول الشارع و مسك شقتهابآخرالشارع،وبعدمانزلت لبنى فتحت مسك الدريشه:
مسك:لبونه عطيني بوسه.
لبنى:هههههه الحين من جدبزر.وعطتهابوسه بالهواودخلت لبيتهم امامسك فرجعت لشقتهاودخلت،وجاعبدالرحيم بعدماطفى السياره بيدخل لجناحه الخاص مع زوجته الخدامه سكينه لكن وقفه وليداللي كان يراقبهم ويمشي وراهم وتقدم وابعدنظارته الشمسيه:
وليد:انت سواق لمسك؟
عبدالرحيم:ايوه بابا انا هنا سوا زوج اناخدامه.
وليد:اهاطيب مسك ساكنه لحالها؟
عبدالرحيم:ايوه هي واحد مافي احدتاني بس في صديق هي دايم يجي سمسم اخت.
وليد:طيب شكرا.ورجع وليد لسيارته الهمروشغلهاوداس البنزين بقوه هوصحيح يعرف عن عبدالعزيزواخته مسك كل شي بس بعدماكان يدري ان مسك ساكنه لحالهاوفجأه تذكرحبيبة قلبه ريم اللي كان يدرس معهابألمانياوناوي يخطبهاإذارجعواللرياض بس(قصتهاانهاماكانت تحب وليدبس تجامله والبنت حاطه عينهاعلى عبدالعزيزوتحاول تلزق فيه لدرجه فضيعه بس من دون مايحس وليدلأنه يغار عليها خصوصاانه صديقه الروح بالروح فألحت على عبدالعزيز يتعشى معهابشقتهاالخاصه فراح لهامجامله،ومابغى يردها وكانت خايسه ولابسه لبس فاضح تحاول تغري فيه و تسوي حركات،وتقربت من عبدالعزيزوحطت يدهاعلى صدره(تبغاه لنفسها)فتقززمن حركاتهاودفعهابقوه فطاحت عل الأرض لحدماضرب راسهاحافةطاوله قزازتأثرت بسببهاوماتت فدخل وليدوشاف المنظرواتهم عبدالعزيزانه مغتصبهاوبعدكذاذبحهاحتى يتخلص من العاروالفضيحه،صارت بينهم مشكله كبيره تقاطعوابسببهاواهل ريم تنازلواعن حقهم وتركوا عبدالعزيز).
وليدوهويضرب بيده على الدركسون:أغبياءليش تنازلتواعن حقكم كان ذبحتوه أوسجنتوه(وهوسرحان ومادراإلاوبوابةالقصرالكبير
تنفتحله)فنزل ومرعلى ابوه بالديوانيه:
وليد:السلام عليكم.
ابووليديقراجريده ومن دون مايلتفت على ولده:وعليكم السلام شخباردوامك؟
وليدبملل:زين الحمدلله.وراح للصاله داخل وحزبخاطره ان ابوه يفضل خواته عليه ويهتم فيهم اكثرمنه،لقى امه جالسه على الكنب ولابسه بيجامه،وحاطه رجل على رجل و معهاوحده من عاملات مشغلهاالخاص تسوي أظافرها:
وليد:السلام عليكم.
ام وليد.....
قرب وليدلأمه:بوووووو.
ام وليدحطت يدهاعلى صدرهابفزع:بسم الله الرحمن الرحيم من وين جيت؟
وليد:ههههههه من وين جيت مع الباب(وابتسم بخبث)مشتاقه لحبيب القلب شوفيه جالس لحاله روحي له.
ام وليد:والله انك رايق حبيبي انامعزومه على زواج رنا بنت صديقتي منى وحجزت لهم عندي بالمشغل برنامج خاص للعروس مجانن،الله يهديك ياوليدي لوانك مخليني اخطبها لك كان هي زوجتك الحين.
وليدبيتهرب من امه عشان ما تجيب العيد:يمه تراي ميت جوع جهزوالي غدابروح آخذلي شاور وابدل وارجع اوكي مام.
ام وليد:ميري ياميري.
ميري:يس مدام.
ام وليد:جهزي غدالوليدبسرعه.
ميري:اوكي.
مروليدمن عندجناح اخته و سمعهاتكلم وتضحك،فطق الباب،وبعدهادخل:
سهى بارتباك وخوف:ايوه يسرى حبيبتي انامشغوله الحين اكلمك بعدين اوكيه باي.
ياسر:هههههههه يسرى بعينك باي.
وليد:مبسوطه الأخت ماشاالله وش عندك؟
سهى بتوتر:هاه ايه ههههه و شلون ماانبسط واناتوي مكلمه صديقتي يسرى لي شهر ما شفتهاالحماره وحشتني لأنهم نقلوالجده عشان شغل ابوها.
وليد:حتى انامبسوط ياعندي ممرضه بالعياده بنت الكلب تآخذالعقل.
سهى:طيب صادقهاايزي غير انهازميلتك في العمل ولاتقول لي عيب وماادري كيف خلك انسان متفتح ولاتصيرمعقد.
وليدرفع حاجبه:شكلك متأثره بالأفلام الأمريكيه اللي تناظرينها.
سهى تقول بنفسها(اناعندي صديق ياوليدبس ليته أي واحد،صديقك).
سهى:أأوليدياقلبي اطلع وسكرالباب عندي اختباربدرس.
طلع وليدوسكرالباب.
½ ½ ½ ½ ½ ½ ½½½ ½½ ½ ½ ½ ½ ½ ½½
لبنى بعدماتسبحت وبدلت نزلت تحت لأبوهاومرته واخوانهامن ابوهاالتوائم(زياد واياد اعمارهم سبع سنوات)،و جلست على الكنب:
لبنى بابتسامه:زيودايودحبايبي تعالوابسرعه عندي جايبه لكم شي زين.
وراحوااخوانهايركضون لها و جلسوابجنبها:
زياد:اتوقع جبتي لناكاكاو.
اياد:لااممم فيثار.
لبنى:لاجبت لكم حلاوقطن اللي تحبون.وعطتهم وقرصتهم مع خدودهم.
مهابنبره حاده:انتي ماتفهمين كم الف مره قلت لك لاتعطينهم اشياء ضاره وفيهاموادحافظه الحين بتسدين أنفسهم عن الغدا.
لبنى ببرود:لاتصيرين معقده خليهم يتهنون بطفولتهم و بعدين مادريت انكم لسى ما تغديتوا.
ابولبنى وهويتابع الأخبارالتفت على بنته:ايوه لبنى جبت لك هديه بمناسبةعيدميلادك انشاالله تعجبك وانشاالله العمركله.
لبنى بابتسامه:مشكوردادي حبيبي.
مهابعصبيه:وش عيد ميلاد و خرابيط انتم تدرون انه حرام لكن مادلعك وكبرراسك إلا أبوك،ولاخربك غيرصديقاتك هالفاسدات.
لبنى انقهرت وقامت واقفه:هيه انتي احترمي نفسك احسن لك ولاتتكلمين عن خواتي اللي ما تعرضوك،عسى الله يآخذك و نفتك منك.
مها: لاتدعين على الأقل عندي اهل يبوني وعندي عيال محتاجين لي مب مثلك وجودك مثل عدمك.
لبنى بعصبيه راحت لمها ودفتها لحدماطاحت عل الأرض:اكرهك انتي وفارس اكرهم.
مهاقامت من مكانهاوبعصبيه:لاتمدين يدك لااكسرهالك الحين.
ابولبنى يتفرج ببرودوحاط اصابعه على خده:خلصتواياالبزران صدق انكم ما تستحون على وجيهكم ولاتحشمون احدواناكأني حمارعندكم.
لبنى طلعت لغرفتهافوق وسكرت الباب بقوه،ورمت نفسهاعلى السرير ولا شعوريا مدت يدهاللجوال واتصلت بأختهاشذى:
شذى:اهلين لبونه وش مسويه؟
لبنى تنهدت:إلاقولي وش ما سويت،تخيلي تهاوشت مع مها الكلبه ودفيتهاوطاحت عل الأرض بس احسن تستاهل.ياختي ضايق صدري.
شذى:سلامتك من ضيقةالصدرحبيبتي،واحس انك انتي ومرةابوك هاذي توم و جيري،ياالله لبونه إذاشفتك كملي لي اهلي ينتظروني على الغداباي.
لبنى:اوكيه باي.
(صحيح ماعندي اهل ام لبنانيه وبعدماطلقهاابوي رمتني عليه واناام سبع سنوات ولااهتمت فيني،ولاتدري عن هواداري بس ليش مهاالزفت تقولي وجودك مثل عدمك يعني لهدرجه انا،اوه لبنى انتي وش تقولين ماعليك منها اسفهيها ولاتأثرين بكلامها)وحطت راسهاوراحت بسابع نومه.

شذى وهي مجتمعه مع اهلهاعلى سفرةالغدا:
فهد:يمه تراي بترك الدراسه مليت منهامانيب فالح فيهايعني ليش اتعب نفسي،دورولي شغل.
ام فهد:اعقل بس وصررجال وكمل دراستك واناامك ترا ما في شي بينفعك غيرشهادتك،أجل بعدين انشاالله لوكبرت ومرت السنين وشلون بتزوج وتصرف على بيت وعيال،ووشلون تلقى وظيفةزينه وبراتب حلووانت لاشهاده ولاشي.
شذى:خليه يمه هويوحي اصلاويآخذالعلم الحين اللي معهم شهادات مالقواوظايف.
حمدينفض يده من الرز:تسلمين ياالغاليه على هالكبسه.
ام فهد:صحه وعافيه.وقامت من السفره:اسمعي شذى بروح آخذلي غفوه قبل آذان العصروإذاأذن قوميني وجهزي حلالأني بآخذهامعي لخالتك هيونه عازمتني على قهوةحريم.
حلا:لايمه مانيب رايحه معك خالتي هاذي مااحبها.
ام فهد:مب لازم تحبينهابس روحي معي.
شذى:خلاص يمه بكيفهالاتغصبينهاعلى الروحه وصراحه خالتي ماتنطاق وياهي مصدقه روحهابعدعجوزكبرقريح وتسمي نفسهاهيونه من جدمآخذه بنفسهامقلب.
الجميع:هههههههههههه.
ام فهدبنبره حاده:صدق انكم ماتستحون ولاتحشمون احدهاذي خالتكم وتاج روسكم.
حلا:تخسى إلاهي.
ام فهدبعصبيه:تراوالله لأقص لسانك ياأم لسان طويل والشرهه مب عليكم علي أنااللي واقفه اكلمكم.وراحت وخلتهم.
فهد:ول ول هالبنت ياعليهالسان هذاوانتي صغيره اجل لوكبرتي وش بتصيرين؟
شذى:قل ماشاالله.
حمد:لاتخافون عينه بارده وإلالوانهاحاره كان شفتوني بالقبرالحين.
حلا:لاولوقل ماشاالله انت ووجهك.
فهد:تف ماشاا لله.
حلاقربت لأخوها:لابعيده ماوصلتني.
فهد:لاحووول والله ان هالبزر نشبه تف تف ماشاالله.

وبعدصلاةالعشااجتمعوا(ماراح اقول صديقات بقول خوات)بشقةمسك فدخلت لبنى عليهم وكانت آخروحده تجي(لبنى طويله ورشيقه،تمتلك بشره برونزيه وعيونهاواسعه عسليه،وشعرهاكستنائي وناعم وقاصته مدرج على طوله ولنصف ظهرهاتقريباواللي محليهاأكثرغميزتهااللي بخدهااليمين).
ورودقامت لهاومسكتهامع يديها:ليه أميرتنازعلانه(ورزت كرشتهاوقعدت تغني وترقص)هيلايارمانه الحلوه زعلانه،مين يراضيهاأنااراضيهادرن درن درن.
لبنى:ياقدمك مغبره.
البنات:ههههههههههه.
(ورود متوسطةالطول ومتينه،تتميزبالبياض الشديدالمشرب بحمره وعيونهاسوداواسعه ونظراتهاكأنهاتضحك وفيهالمعةفرح،شعرهااسودمجعدوهوعقدتها،انسانه وسيمه واللي محليهاالشامه اللي بخدها).
بعدماجلسواالبنات يتقهوون قامت لبنى طفت الشموع وقصت الكيكه،واشربواعصيروبعدهاوزعوا
عليهاخواتهاهداياوبعدهذاكله راحواالبنات للغرفه وشغلوديسكووقعدوايرقصون ويستهبلون(وهم نافشين شعورهم)باستثناءلبنى اللي جالسه تصورهم بالجوال وتعلق عليهم:
لبنى بعدماخلصت التصوير:ههههههه قسمابالله اننازاحفات.
ورودجلست بجنب لبنى:لابعدهانلعب بلوت وبروح للمطبخ اجيب لناعصيرتفاح وبيره،وياالله بس دورولنافكره حلوه،ومغامره نتهورفيهاللسهره اوكيه.
شذى:ههههههه والله ان هالبنت خطيره على المجتمع.
لبنى:مسك ارفقي لاينط فيك عرق مره متحمسه ههههه.
وبعدهاجلسواالبنات يلعبون بلوت ويشربون عصيرمع بيره:
ورود:نسيت لااقولكم بنات انخطبت اليوم بس طبعارفضت لأنه كالعاده واحدمب كفوومايستاهل،وانااصلاماراح يخطبني واحدعلى سنع وابوي مدمن مخدرات،ويسكروينكروسهربالإستراحات مع شلته الفاسده،وسبق وانسجن.عادتصدقون بنات احيانن اناواخواني يمرعليناثلاث أيام مانشوف ابوي،والمشكله انه مايعرفني ولايدري عني إلابنهايةكل شهرطبعامب حبن لي وإلاعلشان سوادعيوني عشان يسحب مني راتبي.
شذى:يابنت الحلال هونيهاوتهون ولوالله كاتب لك بتزوجين كان تزوجتي،بس يمكن ماجانصيبك وبعدين انتي وش دخلك بأبوك انتي غيره.
ورودبنبرةحزن:بس الناس تهمهاسمعةالأبوقبل سمعةالبنت ولاتنسين سمعةابوي وسيرته الشينه على كل لسان.
شذى:اناصحيح ودي اتزوج عادي بس صعبه اترك اهلي وانااللي اصرف عليهم،ومصدررزقهم الوحيدمابيهم يحتاجون لأحداوتتصدق الناس عليهم مثل ماكناقبل واولهم خالتي انامايهمني الزواج كثرمايهموني اهلي.
مسك:لااناشايله فكرةالزواج من قاموسي غيراني اكره الرجال ومااحبهم بس ابي اعيش سعيده ومرتاحه،بدون قيودوطبعاتعرفون ماعندي اهل يجبروني على الزواج،لاأم ولاأب ولااحدماعندي إلااخوي وعسى الله يرجعه لي سالم.
لبنى:لاانامابعدفكرت بالزواج الحين ابي اتهنى بعمري واعيش حياتي قبل لايجي رجال يتحكم فيني وتعرفون اناماعندي ام إلى الآن هالأم مجهولةالهويه وابوي تاركني على راحتي اسوي اللي ابيه.
ورود:لاشكلناياالساحرات الأربع بنعنس،الله بنات امنيتي اصيرخاله ويجينابيبي صغيروالله وناسه.


على الله يازمن بشــــكي جروحي والليالي طوال..
عسى راعي العنا ينـــسى عناه ويــنشرح صدره..
على الله يازمن بشــــكي همومي والهموم جبال..
تعدت عاصمة حزني حدود العالم بأسره..
خساره يالسنين اللي كتبتي قصة الترحال..
فرحت أمس وحزنت اليوم بس الخوف من بكره..
لساني كم شــــكى صمته والا منه حكى ماقال..
طغى طبع السكوت بسيرة المحروم من صغره..
ســــقى الله يــوم أنا كنت أضحك وبالي مريح البال..
ضحوك ماعــــرفت الحزن وش معناه وش قدره؟..
كبــــرت وكبرت أحـــلامي وصارت قصة الترحال..
أماني في مهب الريح حلم مااكتمل سحره..
عزيــــزه يالــحروف اللي سكتي والكلام يقال..
حكيتي ماشكيــــتي الهم وهم القلب ياكبره..
أنا منهو فقد صوته وبعض الصوت به مازال..
دعيت الله يــــفرجها علي وبحت أنا النظره..
أشيــــل الحمل عن غيري وحملي صار ماينشال..
كما الــــشيخ الهزيل اللي مشيبه منقض ظهره..
وعن حر الزمــــن صارت حروفي للجروح ظلال..‏
تذرت عن هموم اليــــاس حلم قد بنى قصره..
عســــاها للمطر روح بها وادي الظما ماسال..
عروق سنينها جفت ووراها الزمن غدره..
على الله يــــنجلي وقـــت قضيته هم وغربال..
ويشع النور في قلب غشى بين الظلام فجره..
على الله والولي الله وبأمر الله يزين الحال..
ويــــضحك للزمن قلب من همومه قضى عمره..
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
دلــوξـــﮧ وهذٱ طـبـξ ـے
صبيه جديده
صبيه جديده
avatar

عدد المساهمات : 8
نقاط : 13
التقيم : 0
تاريخ التسجيل : 15/12/2010

مُساهمةموضوع: رد: رواية الممرضات السعوديات ..   الجمعة مايو 20, 2011 10:25 am

الجزءالثالث
سالم يكلم صديقه و خوي دنياه ماجد:
ماجد:هلابالطش والرش والبيض المفقش،أخبارك ياأبوكتوف؟
سالم:ههههههه زوين الحمدلله أخبارك انت ياابوبراطم؟
ماجد:والله نزقح.
سالم:لايفوتك كبسةحاره يحبهاقلبك من عمايل ايدياسيرعلي بالبيت نتعشى جميع حياك الله،واقول بس وشرايك مانسهرمع بعض وعندي لك ذاك الفلم الهندي اللي على كيف كيفك.
ماجد:هههههههه ياخي اشك ان بك عرقن هندي دام المسأله فيهاكبسه مسافةطريق واكون عندك وياالله ضف وجهك.
سكرسالم وراح لأهله وهم جالسين بالصاله الجانبيه:
سالم:روروياقلبي روحي نظفي المجلس ومسحيه بيجي خويي ماجدوصلحي قهوه وشاهي وحطي فصفص اهم شي بروح اتسبح وابدل واجي.
رولاوهي لابسه نظارتهاالطبيه وقاعده تقراكتاب بيدها،سكرته وقامت وبابتسامه:انشاالله حبيبي من عيوني الثنتين.
سالم:تسلم لي هالعوينات الصغار.وراح امارولافراحت للمطبخ وصلحت قهوه وشاهي وحطت القدوع والفناجيل والبيالات بالصينيه خلال ربع ساعه وشالت الصينيه وراحت للمجلس وكانت لابسه بلوزه بيضاكت هاينك،وبرموداجينزاسودوبه مسحات خفيفه بيضاكذامن عندالركب ولابسه شبشب ابيض ورافعه شعرهاذيل حصان ومنزله خصل على وجههابإهمال.حطت الصينيه على الطاوله وقعدت ترتب الخداديات وتصف التحف من جديدعلى الدولاب(والأخت عطست بنعومه ولادرت عن ماجداللي جالس ابوالشباب من دقايق ومفهي،ومصدوم وهوفاتح فمه عل الآخر).
رولااخذت منديل وعطست مره ثانيه بس لمارفعت راسهاوشافته انحاشت المسكينه بسرعه وماتشوفون إلاغبارها(خخخخخ)،لمارجعت للصاله وهي حاطه يدهاعلى صدرهامن الخوف(يمه من هوذااناداخله المجلس ومتأكده مافيه احد،اجل وش يصيرهذالايكون جني معجب بسم الله علي الرحمن الرحيم).امهاماتشوفهالأنهاعمياء بس حست فيها:
ام سالم وهي ماسكه الراديو وتفرفرفيه وحاطته عنداذنهاتسمع:تعالي رولايابنيتي اضبطي لي الراديووطلعيلي ام بي سي.اف ام اغديه يجي محمدعبده.
رولا:هههههههه حركات يمه.
ام سالم بابتسامه:هومطربي المفضل واحب صوته وابي اسمع اغانيه،ولواني اشوف يابنيتي كان جمعت صوره عندي ببوم.
رولا:ههههههه اسمه البوم اموت اناعلى الناس الرومانسيه ياشيخه.
ام سالم:اسمي بدريه مب شيخه.
جاهم سالم:ههههههه والله انك مراهقه يمه لكن مراهقتك متأخره مراهقه مابعدالأربعين.
ام سالم:اخس واقطع بس ماعليك مني بعيش حياتي.
سالم يتريق:على فكره يمه فيه واحداعرفه خطبك وشاريك الرجال وترازوجته ميته وهوراضي فيك وتراه رجال مدين ويخاف ربه وحنابنعطيك فرصه اسبوع تفكرين وتستخيرين،ومااوصيك يارولا لاتضغطين عليهاولاتخلينهاتشتغل كثير،واشرطي اللي تبين ياالغلابيت لحالك،تكملين دراستك تراالرجال ماعنده مانع.
رولا:مانع وإلادواس ههههه.
سالم وكاتم ضحكته:وش رايك يمه؟
ام سالم.....
سالم:يعني افهم من سكوتك انك موافقه السكوت علامةالرضا.
ام سالم سحبت عصاهاوضربت ولدهامع فخذه بخفه:يااللي ماتستحي على وجهك تطنزفيني هاه وخرعني زعلت لاتحاكيني ولاأحاكيك.
سالم هوواخته فاطسين من الضحك:ههههههههههههه.
سالم نقزبسرعه وحب امه مع يدهاوعلى راسهاوقرص خدها:كلش ولازعل الغلاحلوةاللبن عاد.
ام سالم:اناخلاص ماظنتي بسويهاعقب المرحوم ابوك (وتنهدت)آآه يامال الجنةالبارده.
سالم:لاالظاهراني قلبت المواجع.
××××××××××××××××××××××××××××××××××××××××
عندممرضاتنابشقةاختهم مسك.لبنى منسدحه وحاطه راسها على فخذ مسك وهي تمسح على شعرهاو يسولفون:
ورودبهمس:شوشووش رايك مانهبل بلبونه وميمو؟
شذى بهمس:ايوه وياالله ياحلوه عطينامن افكارك الجهنميه.
مسك:وش عندكم تسرسرون؟
ورود:شي خاص بيني اناوياهامايدخل بين الظفرواللحم إلاالشيطان.وقامت ورودوغمزت لشذى تقوم معهاوابتسمت بخبث وراحت لشنطتهاوطلعت صرصورلعبه بلاستيك وراحت ورمته وراظهرلبنى:
ورود تمثل بإنفعال:لبونه وراظهرك صرصورقومي بسرعه.
نقزت لبنى بسرعه، ومسك تمسكت بورودمن الخوف.
لبنى:حسبي الله عليه والله لأموته.وراحت تجيب جزمه تضربه.
شذى:هههههههه وش رايكم بالمقلب الحلو؟
لبنى: حسبي الله عليك من بنت اوريك ياالصينيه.(تقصدشذى لأنهاقصيره ونحيفه
بيضاوشعرهااسودحريروكريه وملامحهاملامح شرق آسيا)
شذى:ههههههه صينيه وإلاباديه.وركضت شذى ولبنى وراها.
ورود:باديه وإلاصحراءهههههه.

بمقهى الشباب ودخان الزقاير يتصاعدبكل مكان:
وليدبنبره حاده:نعم خيرانتي ماتفهمين،كم الف مره قلت لك انسي رقمي ولاتدقين علي ماعندك كرامه؟
جنى وهي تصيح:تكفى وليدالله يخليك تزوجني اسبوع واحدبس وبعدهاطلقني بس استرعلي الله يسترعليك.
وليد:ههههههه ضحكتيني واناماودي اضحك،انالوتزوجت اخذتلي وحده نظيفه شريفه،عفيفه ماتكلم شباب مب وحده خايسه مثل الزباله أشكالك وعلم يآصلك ويتعداك ان شفتك داقه علي تراوالله ان تشوفين شي عمرك ماشفتيه.وسكرالخط بوجهها.
ياسر:هاه بشرجبت راسها؟
وليد:ياخي قسمابالله انك دلخ انت وراسك واناشقول من الصبح ياعليك اسئله احيانن،وشلون مااجيب راسهاواناالدكتوروليد.
ياسر:اجل لايفوتكم شباب طحت لي على وحده قلت خل اجرب مثلكم مانيب خسران شي انارجال مايعيبني شي وقريب(ويبتسم بخبث) نجربهاوشكلي لاخلصت منها بحولهاعليكم تجربونهامثلي،وياهي مزيونه بعد.
وليد:حركات ومن متى التطورياخي واخيرااقتنعت سنه كامله مع بعض وتونانأثرعليك. نايف:من عاشرقوماأربعين يوماكان منهم.

الساعه ثنتين بالليل والبنات سهرانين عندمسك:
لبنى وشذى ومسك مجتمعين عل اللابتوب يحملون افلام:
ورودبحماس:بنات ماقلت نسهرعشان تقابلون اللابتوب.
البنات منسجمين ولاعطوهاوجه ماحس فيهاإلالبنى:
لبنى: الموظفون مشغولون الآن فضلاانتظرخمس دقائق ليتم...انتظاركم محل اهتمامنا.
البنات:هههههههههه.
ورود:اسمعواوش رايكم مانطلع للشارع ونسوي قراندغير.
شذى:اخبران جده غير.
ورود:المهم قراندنواعم ونصورأنفسنابجوال ذكرياتناالخاصه(والبنات مخصصين لهم جوال يصورون أنفسهم فيه ومحتفظين به عندمسك وماحديآخذه ويشوفه غيرهم).
لبنى:فكره ولوانهاغريبه شوي بس وش وراناغيرالهبال والمغامرات والتهور.
مسك:بس نخاف يشوفنااحد.
شذى:ميموبلاخوف زايداصلادوامات يعني كلن نايم والشارع فاضي.
وقامواالبنات ولبسواعباياتهم المخصره طبعاوتلثمواوطلعواللشارع بخفه وبعدهاوقفت شذى تصورهم والباقيات توزعوابالشارع:
شذى:ياالله.
البنات:ياالله.
ورود تمشي كذاوضربت لبنى بوكس مع بطنهاوسرقت منهاشنطتهاوراحت تركض،ولبنى طاحت عل الأرض،وبعدهاراحت لمسك وعطتهاكفوف خفيفه كذاوسحبت منهاجوالهاوفلوسهاوانحاشت تركض،بعدكذاراحت لشذى ومسكتهامع رقبتها:
ورود:عطيني اللي عندك بسرعه انتي ووجهك.
شذى وهي تصوروجه ورود:هههههههه على طول ماعندك تفاهم بس بصراحه ضبطتي الدور.وسكرت التصوير.
واجتمعواالبنات يشوفون المقطع، وبعدها
ركضوا بسرعه ودخلواللشقه وسكرواالباب عن ورودواتركوها لحالهابالشارع:
ورودتطق الباب:افتحواياالحميرلوبيجي احدمثلاويشوفني كذاوالله ان يبلغ عني. وحده لابسةعباةوالساعه ثنتين بالليل،لاوواقفه قدام شقه بعد.
البنات من وراالباب:ههههههههه.
وبعدمحاولات عديده رحموهاوفتحولهاالباب،وبعدماراحوالغرفةالنوم جابوابرينقزوببسي وقعدوايآكلون،ويسولفون:
ورود:المره الثانيه انشاالله بندورلناعلى مغامره أحلى من كذا(وتسحب البرينقزمن يدمسك):هاتي البطاطس بلعتيه عني اناوالبنات ياالدبا.
لبنى نعست:اقول بنات ماودكم بس ننام وبماان الرواتب بتنزل بكراوش رايكم مانسحبهاوعلى طول نروح للسوق مع بعض العصركذا؟
مسك:الله وناسه بعداحس جوالسوق العصر غير.
وراحواالبنات ينامون،مسك ورودناموامع بعض على السريراماشذى ولبنى فرشوافراش واحدبالأرض وتغطوافبطانيه وحده:
ورود:شوشوليه ماتجين تنامين معناعلى السريرتراه ابونفرين يكفينا.
مسك:عادانتي نحيفه ماراح تضيقين علينا.
شذى:آسفه ماانام مع شاذات مثلك انتي واياها.
ورودومسك(بيستهبلون على شذى وإلالبنى راحت بسابع نومه)ضموابعض وكل وحده باست الثانيه مع خدهابقوه،وهم مبتسمين:
شذى:هاه شفتواوشلون وتبوني انام معكم بعد.
البنات:هههههههههه.
®®®®®®®®®®®®®®®®®®®®®®®®®®ومن بكراالعصرجت هيا ام صالح لبيت اختهاحصه ام فهد،وهم جالسين بالصاله يتقهوون:
ام صالح:وين بنتك شذى هالقطوعه ولاكأني خالتهالاتتصل ولاتسلم ياكافي.
ام فهد:لاتشرهين عليهاياهيابس هالأيام مشغوله عشان الدوام.
ودخلت عليهم شذى:السلام عليكم.
الجميع:وعليكم السلام.
وراحت شذى وحبت امهاعلى راسهاوسلمت على خالتهامن دون نفس:
ام صالح:وشلونك شذى؟
شذى:لوني ابيض وشلوني يعني.
ام صالح:ياالقطوع ولاكأن عندك خاله تسألين عنها.
شذى بنفسها(من حبي لك اسأل عنك):امي تتصل وتزورك بالنيابه عني وتجيب اخبارك،يعني مايحتاج.
ام صالح:وإذاتزوجتي انشاالله بتقاطعين الناس وتقولين امي تتصل عليهم وتزورهم بالنيابه عني.
شذى ببرود:والله ياهيونه مابي العرس وبعدين إذاانخطبت واعرست لهاألف حلال.
ام صالح:وإذاقلت لك ان ولدي صالح خطبك.
شذى بصدمه شهقت:لا.
ام فهد:وش اللي لايابنيتي وانتي مابعدولااستوعبتي الموضوع لك فرصه اسبوع فكري بالراحه ولاتستعجلين،وتراولدخالتك رجال ماينعاب هاه يمه وش قلتي؟
شذى:لايعني لاهواصلاماأخذني إلاانه يبيني اربي له ولده بعدماطلق زوجته،آسفه ماعندي استعداد عساي اتحمل مسؤليتكم يمه حتى اتحمل مسؤليةغيري.
ام صالح:هذاجزاتي ابيلك السترواخترتك من بين البنات إلالأنك احسن له من غيره قلت بنت اختي القريبه اولى من الغريبه بس الظاهرماتستاهلينه اخطب له بنت جيرانااحسن له.
شذى:هاه هذاك قلتيهامااستاهله.وقامت واقفه:يمه بروح بعدشوي اناوخواتي للسوق تبين شي اجيبه لك انتي واخواني؟
ام فهد:الله يصلحك بس لامابي شي سلامتك بس انتبهي لنفسك يمه.
شذى:انشاالله.
 عندممرضتناورودجالسه على الكنب تابع مسلسل واخوانهاجالسين بالأرض يشربون شاهي ويآكلون مكسرات:
ورود:ياخي يكفي بلع انت واياه وتشوفون ان ماطقيتواوصرتواماتقوون تدخلون مع الباب.
ماجد:ههههههه عادشفناك خليته هذاك اكلتي نصف الصحن.المهم بس ترافيه مباراةالهلال والنصرالليله الساعه ثمان بالضبط على الكآس.
ورودبضيق:يووه قهرماجت المباراة إلايوم صارالدوام مسائي اليوم.
خالد:ياختي اخبران البنات مالهم خص بالكوره ومب من اهتماماتهم يتابعونهاهذامجال للأولادوالشباب بس.
ورود: ماتفرق وبعدين مصدق انت لاوالله كلش ولاالهلال عادوماتبيني اتابعهم.
ماجد:عادانتي دمك ازرق هلاليه متعصبه.
ورود:المهم بس لايكثربعدشوي اناوخواتي بنطلع للسوق بغيتواشي اجيبه لكم على دربي؟
الشباب:لامانبي إلاسلامتك.
•••••••••••••••• ••••••••••••••••
بعدماراحواالبنات للسوق مع بعض اجتمعوابأحدالمجمعات التجاريه وهم يمشون كذاويتسوقون:
ورودتنرفزت من شلةشباب قاعدين يلاحقونهم:ياختي مليت من هالسلق اللي تلاحقنامن دخلناالسوق شكلي بلتفت وألعن خيرهم لعن.
لبنى:روقي يابنت الحلال وهدي أعصابك واسفهيهم هذولاسعوديين ماينعطون وجه.
مسك:بنات اناوشوشوبنروح لمحل العطورهذااللي قدامنااوكيه.
ورودولبنى:اوكيه.
لمادخلوامسك وشذى المحل،أخذت شذى عطرحتى تشمه:
شذى:الله ميمو ريحته تجنن.انفلت منهاالعطروطاح عل السراميك وتناثرالقزازبكل مكان،وفاحت ريحته بقوه.
مسك:هههههههه عطيتيه عين.
عصب عليهم صاحب المحل اللبناني:لك شو عملتي ادفعيلناقيمة العطر.
شذى:لاتخاف مانيب حراميه بدفع قيمته.وطلعت فلوس من شنطتهالكن دخل نايف المحل وهومبتسم ذيك الإبتسامه العريضه اللي زادت من وسامته،غيرطوله وهيبته:
نايف:ولاتدفعين ولاريال واحدياحلوه انااللي بدفع بدالك حنابس حاظرين للحلوين.
شذى بنبره حاده:وانت وش دخلك عرض بالسالفه.وحطت فلوسهاعل الطاوله.
نايف:والله ماتدفعين وإذاحلفت عليك بتقطعين حلفي يعني وتخليني اصوم ثلاث أيام.
شذى:لوسمحت (تقصداللبناني)خذقيمةالعطر،وياالله مسك خلينانطلع من المحل فيه هناحشرات كثيره ومنتشره بكل مكان،واخاف انهاتجرثمنابوساختها.
نايف عصب:والله الحشرات جابتهاامك يابنت الكلب،ماشفتي عباتك وشلون قايله الله واعلم من الحشره اللي كلن يستحقرها.
طنشته شذى وطلعت من المحل.
وعندورودولبنى:
ورود:تكفين لبونه تعالي معي نروح لذاك المحل.(وتأشربأصبعهاعلى محل قمصان نوم وملابس نسائيه)
لبنى:يابنت الحلال مسكرماتشوفين أنتي حولا(وناظرتها بخبث)وش عندك صاجتني كل النهارعندهالمحل؟
ورود:يمه لبنى لاتناظريني كذاتخوفين،وبعدين احب هالحركات هاذي ياختي تعجبني بشتريهاوالبسهاإذاتزوجت انشاالله.
وراحت ورودولحقتهالبنى لكن صدمت ورودبقزازةالمحل دليل على انه مغلق.
لبنى:ههههههههه احسن ياالفاهرتستاهلين اقولك مسكرولاتسمعين.
ورودوهي تفرك جبهتها:ااي راسي عورني اح وانتي ياالحماره بدال ماتسمين علي تضحكين،آآه.
جاهم ياسرومعه واحدمن هالشباب الضايعين:
ياسر:بسم الله عليك وسلامتك من الآه ياعيوني.
الشاب الثاني قعديغني هالعيون السودوشلون املها،سحرذوبني بغزلها).
لبنى:صدق انكم بياعين حكي.
ورودوهي كاتمه ضحكتها:عساك للسحرانت واياه اللي يخليكم تنهبلون هبال.
ياسر:اعوذبالله من حالك.
ورود:لاوترااناوحده دعائي مستجاب يعني ضفواوجيهكم وانقلعواقبل لاادعي دعوه اشدمن اللي قبلها.
الشاب الثاني:لاخلاص بنطس عنكم بس لاتدعين.
وراحواعنهم والبنات فطسوامن الضحك.
وبعدكذااجتمعواكل الأربع مع بعض:
مسك:بنات بروح اشتري شي حلوبس ماابي احدمعي لأني بخليه مفاجأه،لكن انتظروني هناشوي بس واجي اوكيه.
ورود:اممم اتوقع اممم.
لبنى:وشي اممم بقره انتي.
البنات:هههههههههه.
شذى:بنات أجل انابروح للسياره رجولي تعورني.
ورود:الظاهرانناجايبين عجيزنامعنا.
لبنى وشذى:ههههههههه.وبعددقايق كذا طلعت شذى من المجمع كله بكبره ولقت سياره كامري سودا(ياحليك ياعبدالرحيم)وفتحت الباب اللي وراوركبت لجهةاليمين وسكرت الباب،وفكت اللثام حتى تعدله(لأن باعتقادهم ان السواق اجنبي وكبيربالسن ومتزوج بعديعني عادي يفتشون عنده خصوصاان السياره مظلله).
شذى:اصبررحيموه خمسه دقيقه بس(وهي تناظرساعتها)اووف وين هالتافهات هذولي كل هذا....
وتفاجأت وانصدمت لمارفعت عيونهاوشافت اللي قدامها.....



تتوقعون وش اللي شافته شذى؟!!
لبنى وش راح تسوي بالدكتورفارس؟!!
ورودوش اللي ينتظرها ومن الشخص الجديداللي بيطلع فحياتها؟!!
وأخيراوليد كيف بتكون علاقته مع ممرضتنامسك،وش اللي ناوي عليه بالضبط؟!

كل هالأحداث بتعرفونهاقريبا بإذن الله تعالى.انتظرواالتكمله بالجزءالرابع.
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
دلــوξـــﮧ وهذٱ طـبـξ ـے
صبيه جديده
صبيه جديده
avatar

عدد المساهمات : 8
نقاط : 13
التقيم : 0
تاريخ التسجيل : 15/12/2010

مُساهمةموضوع: رد: رواية الممرضات السعوديات ..   الجمعة مايو 20, 2011 10:27 am

الجزءالرابع.··.·´¯`·.·´¯`·.·‏·..··.·´¯`·.·´¯` ·.·‏·.
شهقت مسك لأنه نفس الشخص اللي قابلته من قبل شوي وبسرعه لبست لثامها،وجت بتنزل،لكن نايف صاراسرع منهاوقفل البيبان وداس عل البنزين بقوه وراح،هناشذى خلاص تمنت الأرض تنشق وتبلعهاوقلبهادق بقوه لدرجةان شوي وقلبهايطلع من حلقهافمالقت حل ثاني غيرالصياح:
شذى نزلت دموعها:يمه وشهقت بقوه يمه أبي ماما.
نايف وهويناظرهابالمرآيه(صدق انك كلب وحقيرياخي اتركهابحالهالاتأذيها،تذكرخواتك يمكن يمرون بنفس الموقف،بس خل أأدبهاوأربيهاشوي وأذلهاوبعدكذابوديهالأهلها.وربي بريئه وصغيره وحلوه،وتقطرنعومه تقطيرحرام هالطفله يجيهاشي).
شذى تذكرت كلام لبنى(لازم تصيرين قويه ولاتصيرين ضعيفه حتى مايستغلك)،مسحت شذى دموعهابطرف كفوفهاالصغيره،ورفعت راسهابثقه تكابروهي قلبهايرجف من الخوف:لوسمحت رجعني لنفس المكان اللي أخذتني منه،انت عارف اني غلطانه بالسياره ليه قفلت الباب وأخذتني معك هاه؟
نايف يناظرهابخبث ويبتسم:جتني فرصه حلوه وحرام أضيعها،وعلى بالك انك تغلطين على الناس وتمشين ربماتجمعك الصدفه فيهم بأي مكان وساعتهايقدرون يآخذون حقهم منك،أنابس ابي اذلك شوي وأحرق اعصابك حتى تأدبين عشان تعرفين مره ثانيه من هوالحشره ومع من تتكلمين.
شذى:صدق انك حما(وقطعت جملتهايوم شافته بالمرآيه مولع عيونه عليها،اكلت تبن وسكتت وهي منزله راسهاللأرض بعدين قالت:
شذى:رجعني للسوق يمكن خواتي يدوروني ويفزعون امي(وكملت بنبرةحزن)واخاف يجيهاشي بسم الله عليهاواناماعندي احدبالدنياغيرها.
نايف رحمها:طيب وين ابوك واخوانك؟
شذى:ابوي مات الله يرحمه،وأناالكبيره وعندي اخواني صغاروأيتام وأنااللي اصرف عليهم،تكفى أجل ودني لبيت أهلي.
نايف:اول قولي لي وش اسمك ومن بنته،ووين بيتكم؟
شذى:انابنت ...ال...وبيتنابحي...
نايف:بس ماقلتيلي وش اسمك؟
شذى:وانت وش دخلك باسمي.
نايف:لزوم نعرفه.
شذى وهي منزله عيونهاوفجأه رفعتهم والتقت بعيون نايف:
شذى:اسمي(وسكتت).
نايف:هههههههه فيه احدمايعرف اسمه.
شذى(اقول اسمي الحقيقي وإلالا،طيب بقول وإذاقلت وش بيصيريعني):اسمي شذى.
نايف بخبث:اهااعاشت الأسامي.
واستمرت لحظات صمت بينهم.
شذى(ياربي ترحمني وتسترعلي،وتعدي هاليوم على خير)،وفرحت شذى وشهقت من الفرحه يوم شافت حيهم،ودكان جارهم أبوعبدالله،واشرت بأصبعهاعلى بيتهم.
‏‏ ‏
البنات وهم يركبون السياره مع عبدالرحيم:
ورود:بنات غريبه وين شوشوقالت لنابتركب السياره،وين اختفت له؟!
لبنى باستغراب:ايوه صحيح وين راحت،عبدالرحيم وين شذى؟
عبدالرحيم:مايجي هنامافيه احد.
مسك:لاتشيلون هم يمكنهامآخذه تاكسي ورايحه وإلامع اخوهافهد.تعرفون شوشوام المقالب.بنات المفاجأه اشتريت لنابيانو حتى نعزف عليه.
ورودولبنى بصراخ واستهبال:واااااااااااااو.
لبنى:وش هالمفاجأه الحلوه ياميمو.

                   
                   
نرجع لشذى:
شذى خافت وبلعت ريقهالماشافت نايف طلع بهاعلى الشارع الثاني:
نايف التفت بجسمه العريض لوراوهو يبتسم بخبث ويطالع شذى:قبل لاتنزلين ياحلوه عطيني بوسه(ويأشربأصبعه على خده).
شذى خافت منه ولصقت بالباب:لاومن أنت عشان ابوسك انت ووجهك هاه،اخواني بالثانوي ماعمري بستهم مع خدودهم وشلون انت عادلا.
نايف:أجل بكيفك ماراح تنزلين بآخذك معي على طول،ولاتنسين ان ماراح احدينتبه لك لأن السياره مظلله ومقفله يعني بتقعدين فيها.
شذى انقهرت منه وقربت له(وهوالأخ استانس على باله انهابتبوسه،بس قامت وعضته مع خده بقوه لحدماتجمع الدم وصاردائره حمرا).
نايف يكابر:على قلبي مثل العسل،وفتح لهاالباب ونزلت بسرعه ولماوصلت لبيتهم قالت بصوت عالي:
شذى:احسن عشان مره ثانيه ماتتعدى حدودك.ودخلت لبيتهم بسرعه.
نايف بعدماشغل سيارته وراح(بسيطه اقدراجيبك بسهوله،عرفت اسمك واهلك،وبيتكم)وفجأه رن جوال بنغمةشعرلحامدزيد(ماأظمى على الساحل ولومت غرقان.
لومركبي تابوت....)،التفت نايف وهومستغرب لماأخذالجوال تأكدانهانست جوالها.
نايف:ههههههه مسكينه نست جوالهاعندي.
ازعجه الجوال وهويطالع بالشاشه(ميمويتصل بك)وطنشه لحدماانقطع واتصل مره ثانيه وثالثه لحدماصارت ست مكالمات لم يردعليها.
نايف:اووف الله يزعجك من جوال وحطه عل الصامت ورماه بدرج السياره وسكرعليه.

فارس وهويكلم صديقه محمد مديرالمستشفى:
فارس:السلام عليكم،اخبارك ابوحميدوينك ياالقطوع؟
محمد:وعليكم السلام،تمام الحمدلله اناالقطوع وإلاأنت؟
فارس:ياخي مشاغل هالدنياعسى الله يعين.
محمد:هاه دكتورناآمربغيت شي لأني مشغول إلى راسي.
فارس:مايآمرعليك عدوأبيك طال عمرك إذاجتك لبنى تشكيني وترفع ضدي دعوى ابيك تطنشهاوماتعطيهاوجه خلاص.
محمديتليكع:من هي لبنى ذي؟
فارس:ياخي تليكع انت ووجهك لبنى الممرضه اللي تشتغل عندي بنفس العياده اللي كلمتك عنهاأمس.
محمد:اهااقصدك حبيبةالقلب خلاص ياقيس زمانك ولواني ماادري وش سالفتك انت واياها،لكن بمسكك عقب تقولي السالفه كامله من طأطأ للسلام عليكم،وياالله انقلع خلني اشوف شغلي.
فارس:ياخي ماتفوت شي ياأبوشيبه.
محمد:اخبران ابوشيبه زعفران وإلالا.
فارس:هههههه عطيتك وجه عادياالله مع السلامه.
محمد:هههههه مع السلامه.

لمادخلت شذى لبيتهم على طول راحت لحوشهم من وراوتخبت حتى ماينتبه لهااحدلأنهاماتبي تشوف خالتهاوجلست عل التراب الموجودبالأرض وأسندت ظهرهاعلى النخله وهي سرحانه(الحمدلله والشكرلك يارب انك سترت علي)،وشافت اختهاغلا(عمرهاثلاث سنوات)جايه عندهاومعهاعروسه صغيره،وارتمت بحضن شذى:
شذى غرقت عيونهابالدموع ومسحت على شعراختهابحنان:بعدقلبي غلايه لوماسترعلي ربي كان ماشفتيني عندكم هاللحين،خل اتصل على وحده من البنات واقولهم السالفه واخليهم يمرون علي.وحاست بشنطتهاودورت جوالهابس ماحصلته:
شذى شهقت بقوه وهي حاطه يدهاعلى فمهامن الصدمه:لايكون نسيت جوالي بسيارةهالحقير،لاياربي لاااء.وصاحت من الخوف والقهراللي فيها.
êêêêêêêêêêêêêêêêêêêêêêêêêêêêêêêêêêêêêêêê
بالليل كذاوتحديدابالمستشفى اجتمعواممرضاتناكعادتهم:
لبنى:وش فيك شوشوكل الوقت نسولف ونضحك وانتي لاء،خيرحبيبتي فيك شي؟
شذى:هاه لالامافيني شي،بس افكربجوالي اللي ضاع بالسوق والمشكله اتصل عليه مايرد.
مسك:ياقلبي انتي الجوال بداله الف وإذاصارمافيه شي اوصورلك مثلاخلاص لايضيق صدرك.
ورود:لاالبنت سالفتهاأكبرمن الجوال والدليل عيونك الحمرامن كثرالصياح،أنااعرفك شوشوزين ماتصيحين إلاعلى شي قوي.
شذى بإنفعال:خلاص قلت لكم مافيني شي.وتركتهم وراحت،اماالبنات فاستغربواعصبيتهاوطنشواوكل وحده منهم راحت لشغلها.
لبنى اول مادخلت العياده وهي معصبه:السلام.
فارس وقلبه يدق بقوه لكن حاول يضبط عمره وردببرود:وعليكم السلام،تأخرتي يالبنى كثير.
لبنى بنبره حاده:والله عادماتأخرت إلالسبب،وتراي بروح لمشواربسيط كذاعندي شغل وبرجع.وطلعت وسكرت الباب بقوه،ونزلت تحت وعلى طول راحت للإداره عندمكتب المديرمحمدوطقت الباب ودخلت:
لبنى:السلام عليكم.
محمدوهومشغول بالأوراق اللي قدامه:وعليكم السلام.(ورفع عيونه وابعدنظارته الطبيه،وهوحاس انهالبنى لأن ثاني مره تجي تشكيه ضدالدكتورفارس).
لبنى:ياحضرةالمديراناجايه هناارفع دعوى ضدفارس،وانا عارفه زين يامحمدان فارس صديقك الروح بالروح فصعبه بتوقف معي وتساعدني ضدصديقك لكن هاذي ثاني مره يغلط علي فيهاواناماراح اسكت له ومانيب طالعه من هنالماتآخذحقي منه،الظاهراني مانيب عبده عنده تراي ممرضه لاأكثرولاأقل.
محمدببرودةاعصاب وهويدوربالكرسي:والمطلوب مني الحين؟
لبنى بعصبيه:والله اني حاسه انك ماراح تساعدني لكن ابيك تنقلني لعيادةالأطفال وإلانسيت يامحمدان تخصصي تمريض أطفال؟
محمد:وتوك تكلمين،وانتي عارفه ان مستشفانامحتاج للممرضات وبعدين ماتفرق إذاصرتي ممرضة أطفال وإلاإذاصرتي ممرضه بعيادةالجهازالتنفسي،وعلى فكره يالبنى انتي وصديقاتك اللي معك مخصوم من رواتبكم اليوم الواحدعن يومين ولاتنسين انكم هالشهرهذابس عندكم تأخيربحدودالثلاث مرات تقريبا،والحين أنامشغول ممكن تتفضلين لشغلك.
لبنى:اخصم فلوسكم هاذي ماتهمني عندراحتي بالعمل.وراحت وتركته و طلعت بالإصنصيرومعهاواحدمن الممرضين السعوديين ووحده من الممرضات الفلبينيات لكن صدفه توقف الإصنصيرفيهم وهم طالعين للدورالعلوي،هنالبنى خافت يجيهاشي لأن فيهاربووماتتحمل الضيق والكتمه خصوصاانهامعصبه.
السعودي ضغط على زرالطواريء مباشره،لكن اللي بالطواريئ تأخرواشوي وماجوابسرعه وبالوقت المطلوب:
لبنى:ياحبيلكم خليهم يفتحونه بسرعه احس بكتمه ومب قادره اتنفس.وفكت اللثام اللي على وجهها.
السعودي انهبل عليها(هذاوقته):معليش ياقلبي اصبري شوي،هذاهم جوااسمعيهم اصواتهم برا.
لبنى خلاص ماقدرت تتحمل لأنهم تأخرواوصبروابحدودالدقيقتين(مرالوقت بطيئ ومازالواعلى وضعهم فصارت لبنى تكح ووجهااحمروحالتهاحاله وهي تقول بنفسها(يارب ساعدني)،ومرت نصف ساعه تقريباوالموجودين بالإصنصيربحالةصمت والهدوءمخيم عليهم،ولبنى خلاص ماقدرت تصبرأكثرمن كذا
واخيراساعدوهم وطلعوامن الإصنصيربس بيظل اللوم عليهم لأنهم تأخرواوماوصلوبالوقت المطلوب.
السعودي مسك لبنى مع كتوفها:سلامات فيك شي اوديك للإسعاف؟
لبنى:كح كح كح هاه لامايحتاج مافيني إلاالعافيه .وراحت للعياده مره ثانيه عندالدكتورفارس بس لمادخلت عليه فزقلبه يوم شافهاترمي اللثام عن وجههاوطارت عيونه:
لبنى وجههااحمرومنكتمه وتنفس بصعوبه:كح فارس كح كح ساعدني بموت مااقدراتنفس وين اروح؟
فارس خاف عليهاونقزلهابسرعه،ومسكهامع يديهاوساعدهاتجلس على السريروحط لها الأكسجين على طول،ووقف قدامهابالضبط وهويحس بارتباك وتوترغيرطبيعي بمجردقربه منها،ولبنى جالسه عل السرير ومسنده راسهاعلى الجدارومغمضه عيونهاوتحس براحه مع الأكسجين وماتبي غيرالنوم والراحه.
 وعندممرضتناورودبعي ادة
العيون استأذنت من الدكتورو طلعت بتروح لدورةمياه خاصه ومعزوله نوعاماوماتحب ورودتدخل لأي دورةمياه غيرها،ولمافتحت الباب ودخلت عند المغاسل حتى تغسل تفاجأت ان فيه اصوات باحد الحمامات صوت رجال وحرمه وضحك وسوالف بينهم بنقاليين من عمال النظافه،فراحت ورودبفضولهاالزايدوايقت عليهم مع فتحه صغيره من الباب لكنها شهقت من الصدمه،و بسرعه انسحبت ولاكأنهاسمعت اوشافت شي وعلى طول بلغت واحدمن رجال الأمن والمسؤلين عن هالشي،وبعدكذاراحت ورودتكمل شغلهامع الدكتورعادي ولاكأنهاسوت شي:
حسن بعصبيه:فينك ياورودكل ده مشوار،تأخرتي ليه؟
ورودبنبره حاده:كنت بدورةالمياه،خيربغيت شي؟
حسن:خذي الملف ده ووصليه لقسم التحاليل.
ورودباستغراب:ليه؟
حسن:انتي بتشكيكيني بشغلي وألاايه ياست ورود،فيه مريض بنعملوعمليه بعيونوصعبه ومعقده،فعلشان كداحابين نعملوه تحاليل حتى نتأكدخلوجسمه من الأمراض وأي مضاعفات تانيه بسبب العلاج اللي بيآخذه فهمتي الحين؟
ورودمن بين أسنانها:ايوه فهمت،الله يلعن ابليسك من طعري.
حسن:اولتي(قلتي)حاجه ياورود؟
ورود:لاماقلت شي.وطلعت من العياده رايحه للمختبروهي سرحانه وتفكربالمنظراللي شافته(حسبي الله عليكم من عماله جايين تشتغلون عندناوتسوون سواتكم بعد،والله شين وقوةعين).


وبعيادةالأطفال عندالدكتوروليدوممرضتنامسك:
وليدبابتسامه:شوفي يامسك بماأني صديق لأخوك،فأعتبريني مثل اخوك واشدوانتي مثل اختي،وإذااحتجتي أي شي لايردك إلالسانك(وطلع من جيبه كرت ومده لمسك).
وليد:خذي مسك هذارقم جوالي إذااحتجتيني وإلاشي.
مسك اخذت الكرت:مشكوردكتوروليدوماقصرت يعطيك الف عافيه.
وليد:الله يعافيك،والحين شوفيلي المريض رقم بسرعه.
مسك بصوتهاالطفولي:اوكيه.
وطلعت مسك براالعياده،وراحت للإستقبال وسمعت الطفل الصغيريقول:مامايوجعني بطني أأي.
ابتسمت له مسك بحنان وأخذته مع يده:
مسك:بسم الله عليك ياقلبي،الحين يشوفك الدكتوروانشاالله تصيركويس يابطل.

بغرفةالولاده عندممرضتناشذى الحرمه تصرخ بتولد:آآآآه يارب ترحمني آآآآه.
شذى وهي واقفه فوق راس الحرمه وتمسح على شعرها:خلاص ياقلبي مافيه امل ولاده طبيعيه،بنولدك قيصريه.وراحت تجيب ورقه من الدكتورللتوقيع على مسؤليةالحرمه،وبعدكذالبسوهالبس العمليات وبسرعه سحبوهابسريرهاوجاهم فني التخديرومعاه ابرةالبنج:
شذى:قبل لاتعطيهاابره لوسمحت يافايزتأكدمن كميةالمخدر،لأني احسهازايده شوي.
فايزبنبره حاده:لاتعالي اشتغلي مكاني احسن،انافني تخديرواعرف منك بالمجال.بسم الله وضرب الإبره بجسم الحرمه لحدماخدرت خلاص،أخذوهالغرفةالعمليات.
وبعدساعتين تقريباانتهت العمليه وسحبواالحرمه بسريرهاوحطوهامره ثانيه بغرفةالولاده لحدماتصحى من البنج،وساعتهاينومونهابغرفه عاديه.
©©©©©©©©©©©©©©©©©©©©©©©©©©اتصل ماجدعلى اخته ورود:
ورود:ميت حماروإلاشسالفه متصل علي؟
ماجد:هههههههه،اول قوليلي شلونك مجودي وشخبارك خيو لك تأبرني،ليه قاسيه كذاوجافه؟
ورود:جافه وإلاسايله هههههههه.
ماجد:لاغازيه هههه،المهم بس على مااظن انتهى دوامك وإلالا؟
ورود:ايوه ليه؟
ماجد:سلامتك طال عمرك بس بمرآخذك ومجهزلك سهره على كيف كيفك،قلت مشتاق لرودي قلبي ومن زمان ماسهرت معها.
ورود:لالامااقدرعلى الدلع انا،هذاي خلصت بس بتجهزهاه وانتظرك اوكيه،وبعطي خواتي خبرقبل لااروح حتى مايشغلون بالهم علي.
ماجد:اوكيه مع السلامه.
ورود:مع السلامه.

بعدكذاقامت لبنى وهي تحس بالراحه بعدماأخذت اكسجين،فقامت بسرعه ولبست لثامهاوتعدلت ونزلت من السريروهي تشوف فارس واقف عندالشباك، ومعطيهاظهره:
لبنى:فارس.
التفت لهافارس وقلبه يدق بقوه(ياحلواسمي على لسانهاياناس):نعم لبنى بغيتي شي؟
لبنى:مشكورفارس على المساعده والخدمه الإنسانيه اللي قدمتهالي،عن إذنك.وطلعت براالعياده.
راحت ورودمع اخوهابعدماعطت خواتهاخبر،ولماوصلوابيتهم نزلت ورودودخلت للبيت وطلعت غرفتهافوق تبدل وفسخت عبايتها،ولبست توب كت أحمروطويل لنصف الفخذتقريباوفيه قبعه،ولبست معه برموداأبيض وكانت لابسه شبشب اسود،وهي مستشوره شعرهارفعته بربطه سوداعلى شكل كعكعه،وبعدكذانزلت تحت،وجابت معهابلاستيشن ودخلت مجلس الرجال وشبكت البلاستيشن ومسكت القير(الأخت قاعده تلعب وماشافت اللي جالس يناظرهاومصدوم)،
ورودبحماس وهي تلعب مباراةكره:الله يلعن إبليسك قهر،ماجدياأبوقصه ياالتيس كل هذاحمام تعال العب معي.
سالم انتبه لنفسه والأخ مفهي (بنت اللذين ملاك واثرك ماانت سهل يامجودعندك اخت وربي قمر).
ابتسم سالم ونزل عيونه بالأرض(غض البصرعمى لاتناظرهاحرام البنت منسجمه وماانتبهت).
ورودبإنفعال مع اللعب:ماجدياالزفت هذااللي بيلعب معي ويسهر.
انفلتت ضحكه بالغصب من سالم:هههههههه.
ورودرمت القيروالتفتت على ورامصدومه ومتفاجأه،وبسرعه انحاشت للصاله:
ورودبنفسها(حسبي الله على إبليسك مجودقريح،ومخليني اترك خواتي ومطلعني من الدوام عشان نسهرمع بعض وآخرشي تلعب علي وتعزم صديقك،صدق انك ماتستحي لكن انااوريك).
سالم وهوسرحان ومبتسم الأخ(والله انهافله ووسيعةصدر).
طلع ماجدمن الحمام بعدماأخذله شاوروتلبس ونزل لصاله تحت:
ماجد:ياالله تعالي نلعب.
ورودمعصبه:لاوالله عازمن صديقك يسهرمعنا.
ماجديضرب راسه:اووه نسيت سالم وأثري مناديه للسهره وسحبت عليه(وبابتسامةخبث):شافك؟
ورودوانقلب وجهها:هاه ايه شافني وشبع مني بعدياخزياه كله منك انت وخشتك.وطلعت فوق لغرفتها،اماماجدفضحك عليهاوراح للمجلس:
ماجدبابتسامةخبث:الأخ سرحان وماانتبه لي،اعترف بسرعه وش عندك ياالدب؟
سالم تذكرشكل ورودوهي متحمسه باللعب:هههههههههه.
ماجد:بسم الله اللهم سكنهم مساكنهم.

صدفه ومن بين كل الناس علقني*
من يوم شفته وعيني جت في عينه*
حسيت شي بعيونه حيل يجذبني
*لماابتسم بانت بوجهي تلاوينه*


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
جـنوڹ صبآيأ..
مديره جنون صبايا
avatar

عدد المساهمات : 387
نقاط : 503
التقيم : 3
تاريخ التسجيل : 20/10/2010
الموقع : بلاد الصبايا
العمل/الترفيه : عاااطله

مُساهمةموضوع: رد: رواية الممرضات السعوديات ..   الجمعة مايو 20, 2011 11:10 am

يَ بعدي تجنن مشكوره يَ نبض قلبي

التوقيع








ربي لٱ ٱريد سوى : ٱن ٱگون شيء | ج م ي ل. . . في حيٱة گل إنسٱن ٱلتقى بـه ♥️
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://sasas.alafdal.net
مين قدي بنت ولد جدي
صيبهـ ماسيهـ
صيبهـ ماسيهـ
avatar

عدد المساهمات : 938
نقاط : 1363
التقيم : 1
تاريخ التسجيل : 07/12/2010

مُساهمةموضوع: رد: رواية الممرضات السعوديات ..   الأربعاء يونيو 15, 2011 5:24 pm

يسلمووووووووو رووعه

التوقيع









اذا تقدر تعيش بدوني حط عينك بعيوني❤️



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
رواية الممرضات السعوديات ..
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: ~║ المنتديات الثقافية والادبية ║~ :: كان يما كان في القصص والرويات-
انتقل الى: